अशी ‘अभिनेत्री’ जिने एकाच चित्रपटात ’21 किसिंग सीन्स’ देऊन खळबळ उडविली होती.
मल्लिका शेरावतने ‘ख्वाहिश’, ‘मर्डर’, ‘डरना जरुरी है’ आणि ‘हिस्स’ या चित्रपटांत काम केले आहे. बॉलिवूडमधील बोल्ड अभिनेत्री म्हणून मल्लिकाचे नाव घेतले जाते. हरियाणाच्या हिसारमध्ये जन्मलेली मल्लिका शेरावतचे खरे नाव ‘रीमा लांबा’ आहे. मल्लिका शेरावतने हिंदी चित्रपटात ‘मर्डर’ चित्रपटापासून हॉटनेस आणि बोल्डनेसचे एक नवीन पर्व सुरू केले. मल्लिका बर्‍याच दिवसांपासून चित्रपटांपासून दूर आहे. परंतु, अलीकडेच ती बिग बॉस 13 मध्ये दिसली आणि आपल्या अभिनयाने प्रेक्षकांची मने जिंकली.
मल्लिका शेरावत हिने आपल्या फिल्मी करिअरची सुरुवात करीना कपूर-तुषार कपूर स्टारर फिल्म ‘जीना सिर्फ मेरे लिए’ पासून केली होती. यानंतर ती 2003 मध्ये आलेल्या ‘ख्वाहिश’ चित्रपटात दिसली. यात मल्लिकाच्या बोल्ड सीनची बरीच चर्चा झाली होती. याचा फायदा मल्लिकाला झाला आणि तिला मर्डर हा चित्रपट मिळाला. हा चित्रपट बॉक्स ऑफिसवर सुपरहिट ठरला होता.
मल्लिकाला प्लेबॉय मासिकाच्या कव्हर पेजवर नग्न पोझ देण्याची ऑफर मिळाली होती. पण बॉलिवूडमध्ये ब्लॅक लिस्टमध्ये येण्याच्या भीतीने तिने या ऑफरला नकार दिला. बातमीनुसार ती एका फ्रेंच व्यावसायिकाला डेट करत आहे.
मल्लिका तामिळ चित्रपट पंबट्टम या चित्रपटात पडद्यावर दिसणार आहे. या चित्रपटात ती महारानीची भूमिका साकारणार आहे. तिच्या विरुद्ध चित्रपटात तमिळ लोकप्रिय अभिनेता जीवन दिसणार आहे. तमिळ व्यतिरिक्त या चित्रपटाचे चित्रीकरण मल्याळम, तेलगू, कन्नड आणि हिंदी भाषांमध्येही केले जाणार आहे.
